விழிகளிலே ஒரு கவிதை

Janu murugan

Moderator
Staff member
Jun 10, 2020
43
20
8
20
விழிகளிலே ஒரு கவிதை 21

வகுப்பு முடிந்து அனைவரும் வெளியே வந்தனர். நட்சத்திராவும் ஏதோ ஒரு பெண்ணுடன் தீவிரமாக பேசிக்கொண்டு வந்தாள். சூர்யா மனதிற்குள் வந்த அன்னைக்கே கதைபேச ஆளைப் புடிச்சுட்டா என நினைத்தான்.
ஷ்ரவன் நட்சத்திராவிடம் சென்று, "ஹாய் ஸ்டார் கிளாஸ், எப்படி போச்சு?" என்றான்.
நட்சத்திரா, "ஆங் சூப்பரா போச்சு..."
சூர்யா, இவனுக்கு எப்படி இந்த குட்டச்சியை தெரியும்? என யோசிக்க, ஷ்ரவன், "மச்சான் நான் சொன்னேன்ல காலையில ஒரு தமிழ்நாட்டு பொண்ண பார்த்தேன் என்று, அது இவங்க தான், பேரு நட்சத்திரா" என்றான்.
இதைக் கேட்ட சூர்யா ஹரீஷ் இருவருக்குமே அதிர்ச்சி. ஹரீஷ் ஏதோ சொல்ல வர சூர்யா தடுத்துவிட்டான். ஷ்ரவன் நட்சத்திராவிடம், "ஸ்டார் இது என் ஃப்ரண்ட்ஸ், ஹரிஷ் அண்ட் சூர்யா. இவங்க கூட தமிழ் தான்" என்றான்.
நட்சத்திரா, "ஓ.....அப்படியா! ஹாய்.." என்றாள். நட்சத்திராவுடன் வந்த பெண் தனக்கு நேரம் ஆவதாக கூறி கிளம்பி விட்டாள். ஷ்ரவன், நட்சத்திராவிடம் ஸ்டார் ஸ்டார் என பேச சூர்யாவிற்கு பற்றிக்கொண்டு வந்தது.
சூர்யா ஒரு முறைப்புடன் நின்றிருந்தான். நட்சத்திரா இப்போ எதுக்கு இவன் இந்த முறை முறைக்கிறான் என நினைத்து விட்டு ஷ்ரவனுடன் பேசிக் கொண்டிருந்தாள். ஷ்ரவன் நட்சத்திராவை விடுவதாயில்லை. சூர்யாவிற்கு அங்கே நிற்கமுடியவில்லை.
ஹரீஷ் சூர்யாவின் முகத்தை பார்த்துவிட்டான். விட்டா அவனை அடித்து விடுவான் போல என நினைத்து, "மச்சான் டைம் ஆயிடுச்சு, வா போகலாம் " எனக் கூறி அவனை இழுத்து வந்து விட்டான்.
ஷ்ரவனுக்கு வரவே மனசில்லை. "ஸ்டார் நாம நாளைக்கு பேசலாம்" என்று கூறி விடைபெற்றான். ஹரீஷ் தனது பைக்கில் கிளம்பிவிட்டான். நட்சத்திராவும் சூர்யாவும் பஸ்ஸில் வீட்டுக்கு சென்று கொண்டிருந்தனர். சூர்யா நட்சத்திராவை முறைத்துக் கொண்டிருந்தான்.
நட்சத்திரா வழக்கம் போல வழவழக்க சூர்யா இருந்த கடுப்பில், "பேசாம வரியா? இல்லை பஸ்ல இருந்து இறக்கிவிடவா?" என்று திட்டிவிட்டான். நட்சத்திரா வாயை மூடிவிட்டாள்.
வீட்டிற்கு வந்த பிறகும் சூர்யா இறுக்கத்துடன் சுற்றிக் கொண்டிருந்தான். நட்சத்திரா காபி போட்டுக் கொண்டுவந்து கொடுக்க சூர்யா வேண்டாமென மறுத்து விட்டான்.
நட்சத்திரா அவன் எதிரில் இருந்த சோபாவை இழுத்துப் போட்டு உட்கார்ந்தவள், "சொல்லு மாமா! என்ன ஆச்சு.... ஏன் கோவமா இருக்க? என்ன பிரச்சனை என்று சொன்னால் தான் சரி பண்ண முடியும்" என்றாள்.
சூர்யா, "நீ எதுக்கு அந்த ஷ்ரவனோட பேசிட்டு இருக்க. அவன் வேற உன்கிட்ட சிரிச்சு சிரிச்சு பேசுறான்" என்றான். நட்சத்திரா, ஓ சார்க்கு பொஸஸீவ்னெஸ்ஸா? என நினைத்து மனதிற்குள் சிரித்துக் கொண்டவள், "மாமா நான் காலையில அந்த சாய் தளத்தில் வழுக்கி விழ பார்த்தேன். அவர்தான் என்னை காப்பாற்றினார்."
"அவன் உன்னை ஸ்டார் ஸ்டார்னு கூப்பிடுறான். எனக்கு கேட்கவே எரிச்சலாக இருக்கு" என்றான் முகத்தை அஷ்ட கோணலாக்கி.
நட்சத்திராவிற்கு சூர்யாவை பார்த்து சிரிப்பு வந்துவிட்டது. கஷ்டப்பட்டு அதை கட்டுப்படுத்தி விட்டு, "மாமா என் பெயருக்கு என்ன அர்த்தம் என்று கேட்டார். அதான் சொன்னேன். அதனால அப்படி கூப்பிடுறேன் என்று சொன்னார் . நானும் சரி என்று சொல்லி விட்டேன்" என்றாள்.
சூர்யா, "இது எப்ப நடந்துச்சு..." என்றான் பொங்கி எழுந்து. நட்சத்திரா, "காலையில தான் மாமா" என்றாள்.
சூர்யா, "சரி சரி நடந்தது நடந்து போச்சு. இனிமேல் நீ அவன்கூட பேசாதே!" என்றான்.
நட்சத்திரா, "ஏன் மாமா? அவர பார்த்தா நல்லவரா தெரியுது" என்றாள்.
சூர்யா, "எனக்கு பிடிக்கலை... நீ பேசக்கூடாது."
நட்சத்திரா, "அதான் ஏன்னு கேட்கிறேன" என்றாள்.
சூர்யா, "அவன் என்கிட்டவே உன்னை பற்றி என்ன சொன்னான் தெரியுமா? உன்னை பார்த்த உடனே நீ அவன் இதயதுக்குள்ள நுழைஞ்சுட்டியாம். அதைவிட முக்கியமான விஷயம் என்கிட்ட ஏன் உன் கண்ணு அப்படி இருக்கு உன் உதடு இப்படி இருக்கு என்று வர்ணிக்கிறான். எனக்கு எப்படி இருந்துச்சு தெரியுமா? அவன் வாயை உடைச்சிடலாம் போல இருந்துச்சு" என்றான் கை முஷ்டியை மடக்கி. நட்சத்திராவிற்கு அவன் கோபத்தை பார்த்த சந்தோஷம் தாளவில்லை.
அதை வெளிக்காட்டிக்கொள்ளாமல் "மாமா அவன் என்னை வர்ணித்தால் உனக்கு என்ன? நீதான் என்ன காதலிக்கவே இல்லையே. அவராவது என்னை வர்ணித்து விட்டு போகட்டுமே! விடு மாமா " என்றாள். சூர்யாவிற்கு கோபம் வந்தது.
"அது எப்படி... நீ எனக்கு மட்டும்தான் சொந்தம். எனக்கு சொந்தமான உன்னை அவன் எப்படி வர்ணிக்க முடியும்?" என்றான்....
இதைக் கேட்ட நட்சத்திராவால் தன் காதுகளை நம்பவே முடியவில்லை, "மாமா இப்போ என்ன சொன்ன? ஒரே ஒரு தடவை சொல்லு" என்றாள். சூர்யாவிற்கு அப்போதுதான் தான் சொன்ன வார்த்தையின் அர்த்தம் புரிந்தது. வேகமாக நாக்கை கடித்தவன், "நான் ஒன்னும் சொல்லலையே..." என்றான்.
நட்சத்திரா, "இல்ல மாமா, நீ ஏதோ சொந்த பந்தம்ன்னு சொன்னியே.."
சூர்யா, "அது நீ எனக்கு சொந்தக்கார பொண்ணு. அவன் எப்படி உன்னை லவ் பண்ண முடியும்? என்று சொன்னேன் " என்றான்.
நட்சத்திரா, "மாமா நீ சொன்னது எனக்கு தெளிவா கேட்டுச்சு. நீ என்னை ஏமாத்துற. உனக்கு என் மேல காதல் இருக்கு. ஒரு நாள் நட்சத்திரா நட்சத்திரா என்று நீ என் பின்னாடி சுத்துவ" என்றாள்.
சூர்யா," அது நடந்தா பார்த்துக்கலாம் போடி" என்றான்.
சூர்யாவிற்கும் நட்சத்திராவிற்கும் ஒருவருக்கொருவர் அருகாமையில் நாட்கள் விரைவாக சென்றது. இருவரும் ஒவ்வொரு தருணத்தையும் அனுபவித்து வாழ்ந்து கொண்டிருந்தனர். இடையிடையே சில செல்ல சண்டைகளும் சமாதானங்களும் அடங்கும். இப்பொழுதெல்லாம் சூர்யா நட்சத்திராவின் மீது அதிக அக்கறை எடுத்துக் கொண்டான்.
சூர்யா தன் வார்த்தைகளால் சொல்ல முடியாத காதலை செயல் மூலம் உணர்த்தி கொண்டிருந்தான். நட்சத்திரா அவன் அக்கறையிலும் அவன் செயல்கள் உணர்த்திய காதலிலும் கரைந்து கொண்டிருந்தாள். இருவரும் காதல் வானில் சுதந்திரப் பறவையாக சிறகடித்து பறந்து கொண்டிருந்தனர்.
சூர்யாவிற்கு நட்சத்திராவிடம் காதலை சொல்ல ஏதோ ஒன்று தடுத்துக் கொண்டிருந்தது. நட்சத்திரா சூர்யா அவளிடம் தன் மனதை வெளிப்படுத்தும் தருணத்திற்காக காத்திருந்தாள். இடையில் ஷ்ரவன் வேற ஸ்டார் ஸ்டார் என்று நட்சத்திராவின் பின்னாடியே சுற்றிக் கொண்டிருந்தான்.
அன்று ஞாயிற்றுக்கிழமை என்பதால் நட்சத்திரா இழுத்து போத்தி கொண்டு தூங்கி கொண்டிருந்தாள். சூர்யா ஹாலில் அமர்ந்து பேப்பர் படித்துக் கொண்டிருந்தான். நட்சத்திராவின் போனில் நோட்டிபிகேஷன் தொடர்ந்து வந்துக் கொண்டிருந்தது.
சூர்யா அந்த சத்தத்தில் கடுப்பாகி ரூமிற்குள் செல்ல நட்சத்திரா எந்த சத்தமும் கேட்காதது போல தூக்கிக் கொண்டிருந்தாள். சூர்யா கும்பகர்ணி எப்பிடி தூங்குறா பாரு என நினைத்து போனை எடுக்க அது பாஸ்வேர்டு கேட்டது. சூர்யா இதுல என்ன ரகசியம் இருக்குனு இவ பாஸ்வேர்டு போட்டு இருக்கா என அலுத்துக் கொண்டவன்.
என்ன பாஸ்வேர்டு போட்ருப்பாள் என யோசித்தவன் திடீரென ஏதோ தோன்ற தன் பெயரைப் போட்டான் அது திறந்துக் கொண்டது. சூர்யாவிற்கு சந்தோஷம் தாளவில்லை என் பெயரை பாஸ்வேர்டா போட்ருக்காளா என்று. அந்த சந்தோஷத்தை கலைக்கும் விதமா வந்தது ஷ்ரவனின் மெசேஜ். அதைப் பார்த்ததும் சூர்யாவிற்கு சுள்ளென்று கோபம் வந்தது.
ஷ்ரவன் ஹாய் ஸ்டார் குட் மார்னிங் என்ன பண்ற. எனக்கு சண்டேவே பிடிக்க மாட்டிங்கிது. ஏன் தெரியுமா உன்னைப் பார்க்க முடியாததுனால தான் என்று மெசேஜ் அனுப்பி இருந்தான்.
சூர்யாவிற்கு பாக்க முடியலைனா போய் கிணத்துல குதிடா என்று கூறலாம் என்று தோன்ற வேகமாக டைப் செய்ய விரல்கள் செல்ல காலிங்பெல் சத்தம் கேட்டது. சூர்யா யாரது முக்கியமான வேலை பார்க்கும் போது டிஸ்டர்ப் பன்றது என புலம்பிக் கொண்டே எழுந்து சென்றான்.
சூர்யா கதவை திறந்தது தான் தாமதம் விஜய் ஓடிவந்து தாவி சூர்யாவை அணைத்துக் கொண்டான். சூர்யாவிற்கு ஆனந்த அதிர்ச்சி.
விஜய்," மச்சான் எப்படி இருக்க? உன்ன நேர்ல பார்த்து ஒரு வருடத்துக்கும் மேலாக ஆகுது" என்று பாசமழை பொழிந்து விட்டான்.
சூர்யாவால் இன்னும் நம்ப முடியவில்லை. சூர்யா, "மச்சான் நீ எப்போ ஆஸ்திரேலியாவுக்கு வந்த?" என்றான்.
விஜய், "மச்சான் நேத்து தான் வந்தேன். ஒரு பிசினஸ் மீட்டிங்காக வந்தேன். எனக்கு ஆஸ்திரேலியா என்று சொன்னவுடனே உன்னோட ஞாபகம் தான் வந்தது. ஏன்டா இப்படி இளைச்சு போயிட்ட..." என்று கேள்விகளை அடுக்கிக் கொண்டே போனான்.
சூர்யா, "ஒவ்வொரு கேள்வியாக கேளுடா. நான் நல்லா இருக்கேன். வா வந்து உட்காரு என்றவன், மச்சான் டீ குடிக்கறியா? காபி குடிக்கிறியா?" என்றான்.
விஜய், "அதெல்லாம் வேணாம் மச்சான். வா வந்து என் பக்கத்துல உக்காரு. உன்கிட்ட பேசணும் நாம உட்கார்ந்து பேசி எத்தனை நாள் ஆச்சு..." என்றான்.
சூர்யா, "ஏன்டா ரெண்டு நாளைக்கு முன்னாடி கூட போன் பேசினோமே... அப்ப கூட ஏன்டா நீ வரேன்னு சொல்லவே இல்ல."
விஜய், "இல்லடா, அப்பாதான் வர்றதா இருந்துச்சு. திடீர்னு அப்பாக்கு வேற ஒரு வேளை வந்துடுச்சு. அதான் நான் இந்த மீட்டிங் அட்டென்ட் பண்ண வந்தேன். உனக்கு ஒரு சர்ப்ரைஸாக இருக்கட்டும் என்று தான் நான் சொல்லல என்றவன், அப்புறம் மச்சி கொஞ்ச நாளைக்கு முன்னாடி என் தங்கச்சிய பார்த்தேன்" என்றான்.
சூர்யா, "யாருடா மச்சான் உன் தங்கச்சி?"
விஜய், "என்னடா சூர்யா ஆஸ்திரேலியா வந்து உனக்கு அம்னீசியா வந்துடுச்சா? என் தங்கச்சி உன்னோட ஆளு நட்சத்திரடா" என்றான்.
நட்சத்திரா என்ற பெயரைக் கேட்டதும் சூர்யாவிற்கு பகீரென்றது. சூர்யா நட்சத்திரா இங்கு வந்ததை அவனிடம் சொல்லவில்லன்னு தெரிஞ்சா என்னை மர்டர் பண்ணிருவானே என நினைத்தான் .
விஜய் "மச்சான் என் தங்கச்சி பாவம்டா. உன்னை பார்க்காமல் எவ்வளவு வருத்தப்பட்டா தெரியுமா? இருந்தாலும் நீ அவளை ரொம்ப தான்டா கஷ்டப்படுத்துற" என்றான்.
சூர்யா, எங்கே நட்சத்திரா எழுந்து வந்து விடுவாளோ..? என்ற பயத்தில் அவன் சொல்வதை காதில் வாங்காமல் தலையை தலையை ஆட்டிக்கொண்டிருந்தான்.
விஜய், "ஏன்டா மச்சான் இங்க நீ மட்டும் தான் தங்கி இருக்கியா... ரெண்டு ரூம் இருக்கு" என்றான்.
சூர்யா, "ரெண்டு ரூம் எனக்கு தான்டா. ஒன்னுல என்னோட திங்ஸ் வச்சி இருக்கேன். இதுல தங்கியிருக்கேன் என்றான்.
விஜய் அடுத்து ஏதோ கேட்க வர சூர்யா, "மச்சான் உனக்கு பிளைட்டுக்கு டைம் ஆகலையா?" என்றான்.
விஜய், "இல்லடா, எனக்கு சாயங்காலம் தான் பிளைட். உன்கூட இன்னைக்கு முழுவதும் என்ஜாய் பண்ணிட்டு தான் போவேன்" என்றான்.
சூர்யா, முடிஞ்சது சோலி என நினைத்தான். விஜய், "மச்சான் இது தான் உன் ரூமா?" என்று எழுந்து போக சூர்யா, அவசர அவசரமாக தடுத்து, "மச்சான் இப்போ எதுக்கு ரூம்க்கு எல்லாம் போற? எதுவாக இருந்தாலும் இங்கேயே இருந்து பேசுடா" என்றான்.
விஜய், "ஏன்டா மச்சான் நான் உன் ரூமுக்கு போக கூடாதா?"
சூர்யா, "இல்லடா, உள்ள எல்லா பொருளும் சிதறி கிடக்கு . இன்னும் சுத்தம் பண்ணல" என்றான்.
விஜய்," என்னமோ சொல்ற போடா. நீ ரொம்ப மாறிட்ட. உன் ரூம்குள்ள கூட விடமாட்ற டா " என்றான்.
சூர்யா, "அப்படி எல்லாம் ஒன்னுமில்ல" எனக்கூற அப்பொழுது நட்சத்திரா எழுந்து மாமா காபி என்று கண்ணை கசக்கிக் கொண்டு வெளியே வந்தாள்.
 

Janu murugan

Moderator
Staff member
Jun 10, 2020
43
20
8
20
விழிகளிலே ஒரு கவிதை 22

நட்சத்திராவை


அங்கு பார்த்த விஜய்க்கு அப்பட்டமான அதிர்ச்சி. நெஞ்சில் கை வைத்தவன், "இன்னும் என்னவெல்லாம் அதிர்ச்சி வச்சிருக்கடா.. திங்க்ஸ் இருக்குன்னயே இவ்ளோ பெரிய திங்க்ஸா இருக்கும்னு நான் எதிர்பார்க்கவில்லை" என்றான்.



சூர்யா வாயை திறந்து பேசும் முன் நட்சத்திரா விஜய்யை பார்த்து, "விஜய் அண்ணா எப்போ வந்தீங்க? எப்படி இருக்கீங்க?" என்று துள்ளிக் குதித்தாள்.



சூர்யாவிடம், "மாமா அண்ணனுக்கு குடிக்க டீ காப்பி ஏதாவது குடித்தீர்களா?" என்றாள்.



சூர்யா பதில் சொல்லாமல் முழிக்க நட்சத்திரா, "என்ன மாமா முழிக்கிற?" என்றாள். சூர்யா, "ஏய் குட்டச்சி் நீ இங்கு வந்த விஷயத்தை இன்னும் அவனுக்கு சொல்லலடி" என்றான்.



நட்சத்திராவிற்கு அப்போதுதான் தானும் சொல்ல மறந்தது ஞாபகம் வந்தது. விஜய் இருவரையும் முறைக்க சூர்யாவும் நட்சத்திராவும் ஈஈஈ என இளித்துக் கொண்டு நின்றனர்.



விஜய், "சிரிக்காதீங்க. எனக்கு கோபம் வருது. இன்னும் வேற எண்ணத்தை எல்லாம் மறச்சு வச்சு இருக்கீங்க..."என்றான்.



இருவரும், கோரசாக வேற ஒன்றுமே இல்லை! என்றனர். விஜய், "இல்லையே நீங்க சொல்ற மாடுலேஷன் சரி இல்லையே..."



நட்சு, "விஜய் அண்ணா என்னை நம்ப மாட்டிங்களா?"



விஜய், "நீ பேசாத காலேஜ் படிக்கிறப்ப டெய்லி போன் பண்ணி மாமா என்ன பண்றாரு..? என்ன சாப்பிட்டாரா.... என்று என் உயிரை போட்டு வாங்குவ. இப்போ ஆஸ்திரேலியா வரைக்கும் வந்துட்டு ஒரு வார்த்தை கூட சொல்லல என்றவன், சூர்யாவிடம் ஃபோன் பேசறப்ப எல்லாம் என்னடா சத்தம்னு கேட்டா பூனை உருட்டுது ஆணை உருட்டுதுனு சொல்லுவ. அந்தப் பூனை இது தானா..." என்றான்.



சூர்யா பாவமாக முகத்தை வைத்துக் கொண்டு ஆமாம் என தலையாட்டினான். விஜய் வாயைத்திறந்து அவனைத் திட்ட வர காலிங் பெல் சத்தம் கேட்டது. விஜய் சூர்யாவிடம், "போய் யாருனு பாரு...." என்றான்.



சூர்யா தப்பித்தோம் பிழைத்தோம் என ஓடிச்சென்று கதவை திறந்தான். வெளியே ஹரிஷ் நின்றிருந்தான். ஹரிஷை பார்த்த சூர்யா 'அய்யோ! இவன் வேற வந்து விட்டான். அவன் பங்குக்கு என்ன உளறி வைக்க போறானோ! இன்னைக்கு நாளே சரியில்லை' என மனதிற்குள் நினைத்தவன் ஹிஹிஹி என இளித்து, "வாடா மச்சான்..." என வரவேற்றான்.



விஜயிடம், "மச்சான் இதுதான் ஹரிஷ். நான் சொன்னேன்ல என்றவன், ஹரிஷிடம் இது என் பிரண்ட் விஜய்" என்று அறிமுகப்படுத்தினான்.



இருவரும் கைகுலுக்கி கொண்டனர். சூர்யா," நீங்க பேசிட்டு இருங்க நான் போய் காபி எடுத்துட்டு வரேன்" என்றான்.......



நட்சத்திரா, "நான் போய் குளிச்சிட்டு வரேன்" என்று எஸ்கேப் ஆகி விட்டாள். சூர்யா காபி போட்டுக் கொண்டு வர மூவரும் பேசிக்கொண்டிருந்தனர். விஜய் ஹரிஷிடம், "இவங்க லவ்வ சேர்த்து வைக்க நான் எவ்ளோ கஷ்டப்பட்டேன்னு எனக்குதான் தெரியும். ஆனால் இதுங்க இங்க சேர்ந்து இருக்கிறதை என்கிட்டயே மறைச்சிட்டாங்க" என்றான்.



ஹரிஷ், "எனக்கும் இப்பதான் கொஞ்ச நாளைக்கு முன்னாடி தான் தெரியும். ஒரு வருஷமா என்கிட்ட சொல்லவே இல்லை. தங்கச்சி வந்தப்புறம் தான் இவங்க காதலிச்சது கல்யாணம் பண்ணது எல்லாம் தெரியும்" என்றான்.



கல்யாணம் என்ற வார்த்தையைக் கேட்டதும் விஜயின் தலையில் அடுத்த இடி இறங்கியது. சரியாக அதே சமயம் குளித்து முடித்து வந்த நட்சத்திரா காதிலும் விழுந்தது. சூர்யா இன்னைக்கு எனக்கு சமாதிதான் போல என நினைத்துக்கொண்டான். விஜய் அதிர்ச்சி விலகாமல் இருவரையும் பார்க்க இருவரும் மீண்டும் திருட்டு முழி முழித்தனர். சிறிது நேரம் பேசிவிட்டு ஹரிஷ் விடைபெற்றான்........



தப்பு செய்த சின்ன குழந்தை போல முகத்தை வைத்துக்கொண்டு சூர்யாவும் நட்சத்திராவும் நின்றிருந்தனர் . விஜய் ஆசிரியர் கேள்வி கேட்பது போல அவர்களை நிற்க வைத்து கேள்வி கேட்டான். விஜய், "உண்மையை சொல்லுங்க உங்க குழந்தைகளை எங்க ஒளிச்சு வச்சு இருக்கீங்க?" என்றான்.



இதைக் கேட்டதும் நட்சத்திரா," அண்ணா! என்றாள். விஜய்," என்ன அண்ணா? இப்ப கூட கேட்டேனே அப்பையாவது முழுசா சொன்னீங்களா?" என்றான்.



நட்சத்திரா, "அண்ணா நான் சொல்லலாம் என்றுதான் நினைச்சேன். உங்க ஃபிரண்டு தான் சொல்ல வேண்டாம்னு சொல்லிட்டாரு" என்றாள்.



சூர்யா சொல்றது எல்லாம் சொல்லிட்டு இப்ப என்னை கோர்த்து விட்றாளே என நினைத்தவன், "மச்சான் நான் சொல்லலடா. எல்லாத்துக்கும் இவதான் காரணம்" என்றான்.



நட்சத்திரா, "இல்லை இவர் தான்..." என்றாள். இருவரும் மாற்றி மாற்றி சண்டை போட்டுக் கொண்டிருக்க, "நிறுத்துங்கள்" என கத்தினான்.



விஜய், "என்ன ரெண்டு பேரும் சண்டை போட்டு என்னை டைவர்ட் பண்றீங்களா?" என்றான்.



நட்சத்திரா, 'ஐயையோ! கண்டுபிடித்துவிட்டாரே' என நினைத்தாள். சூர்யா அட இது கூட நல்லா இருக்கே என நினைத்தான்.



விஜய், "ஒழுங்கா நான் கேட்ட கேள்விக்கு பதில் சொல்லுங்க" என்றான். சூர்யா நடந்தவற்றை கூறினான். விஜய் இதைக் கேட்டு வாயில் விரல் வைத்து விட்டான். இருவரும் கெஞ்சி கொஞ்சி விஜய்யை சமாதானம் செய்து விட்டனர்.



விஜய், "சரி சரி... ரெண்டு பேரும் ரொம்ப கெஞ்சாதீங்க. உங்களை மன்னித்து விட்டேன் இனிமேல் இது மாதிரி செய்யாதீர்கள்" என்றான்.



நட்சத்திரா அவன் சமாதானமாகி விட்ட சந்தோஷத்தில், "அண்ணா இன்னிக்கு உங்களுக்கு சூப்பரா சமைச்சு போடுவேன்" என்று கிச்சனுக்கு ஓடினாள்.



விஜய், "ஏன்டா மச்சான் உங்களை மன்னித்ததற்கு எனக்கு இதுதான் தண்டனையா.." என்றான். சூர்யா, "ஏன்டா மச்சான்...?"



விஜய், "பின்ன என்னடா... நட்சத்திரா சமையலைப் பற்றி உனக்குத் தெரியாதா" என்றான். சூர்யா, "மச்சான் அவ இப்போ நல்லா சமைக்க ஆரம்பித்து விட்டாள். சாப்பிட்டு நீயே நல்லா இருக்குன்னு சொல்லுவ" என்றான்.



விஜய், ஏதோ பலியாடு போல தலையாட்டினான். நட்சத்திரா சமைத்து இருவருக்கும் பரிமாறினாள். விஜய் சாப்பிடாமல் சாப்பாட்டயே வெறிக்க நட்சத்திரா, "அண்ணா சாப்பிடுங்க, ஏன் சாப்பிடாம இருக்கீங்க?" என்றாள்.



சூர்யா, "நட்சத்திரா அது நீ ஃபர்ஸ்ட் டைம் சமைச்சேல்ல. அந்த டேஸ்டே இன்னும் அவனுக்கு மறக்கலையாம்" என்று கூறி சிரித்தான்.



நட்சத்திரா விஜய்யை முறைக்க விஜய் குனிந்து சாப்பிட ஆரம்பித்தான். விஜய் சாப்பாட்டை வாயில் வைத்தவுடன், "நட்சுமா சூப்பரா சமைத்திருக்கடா" என்றான்.



சூர்யா, "இதைத்தான் நான் அப்பவே சொன்னேன்" என்றான். விஜய் ஹிஹி என சிரித்துக்கொண்டு சாப்பிட்டான். பின் மூவரும் நிறைய விஷயங்களை பேசிக் கொண்டிருந்தனர்.



சூர்யாவிற்கு வீட்டிலிருந்து வீடியோ கால் வர எடுத்துப் பேசினான். எல்லோரும் எல்லோரும் விஜயைப் பார்த்து நலம் விசாரித்தனர். ஷீலா விஜய்யிடம், "போடா உன் கூட பேசமாட்டேன். நான் உன் மேல கோபமா இருக்கேன்" என்றார்.



விஜய், "நான் என்னம்மா பண்ணேன்...?"



சூர்யா, "ஏன் மா..?" என்றான்.



ஷிலா, "உன்ன ஏர்போர்ட்ல சென்ட் ஆப் பண்ண அன்னைக்கு வீட்டுக்கு வந்தான் . அவ்வளவு தான் இன்னைக்கு வரைக்கும் வீட்டுப் பக்கமே எட்டிப் பார்க்கலை. அவன் இருந்தா தான் வீட்டுக்கு வருவியா... ஏன் எங்களை எல்லாம் பார்த்தா ஆளா தெரியலையா?" என்றார்.



இந்தக் கேள்விக்கு விஜயிடம் பதில் இல்லை சூர்யா, "ஏன்டா வீட்டுக்கு போகல..." என்றான்.



விஜய், "அம்மா கொஞ்சம் ஒர்க் இருந்துச்சு அதான் வரமுடியலை என்றான். இந்தியாவுக்கு வந்ததும் கண்டிப்பா வரேன்" என்று சமாதானப்படுத்தினான்.



நட்சத்திராவும் அவர்களுடன் இணைந்து கொண்டாள். ஷீலா நட்சத்திராவைப் பார்த்து விட்டு, "நட்சுமா நீ எப்போ வந்த..?" என்றார்.



நட்த்திரா பதில் கூறுமுன் விஜய் முந்திக்கொண்டு," எங்க வர்றது... அவ இங்கதான் இருக்கா" என்றான்.



இதைக் கேட்ட மற்றவர்கள் அதிர்ச்சியாக பார்க்க நட்சத்திரா, "அத்தை, விஜய் அண்ணா வந்திருக்காங்கன்னு மாமா சொன்னாங்க. அதான் பார்க்க வந்தேன்."



அவர், "இல்லையே! அவன் இங்க தான் இருக்கின்ற மாதிரி சொன்னான்" என்றார்.



விஜய் ஏதோ சொல்ல வர அவன் தொடையில் நறுக்கென்று கிள்ளிய சூர்யா, "அம்மா அது இவ இங்க ஆஸ்திரேலியாவில் தான இருக்கா. அதை சொன்னான்" என்றான்.



போன் பேசி முடித்தவுடன் விஜய் சூர்யாவிடம், "ஏன்டா என் தொடையில கிள்ளுன?" என்றான்.



சூர்யா, "டேய்! அவ என்கூட தங்கியிருக்கிறது அவங்களுக்கு தெரியாதுடா" என்றான்.



விஜய், "எனக்கு எப்படி தெரியும்? நீங்க இன்னும் என்னென்ன பொய் சொல்லி வச்சிருக்கேன்கன்னு" என்றான்.



இருவரும் அவனை முறைக்க விஜய், "சரி சரி நான் பண்ணதுக்கும் நீங்க பண்ணதுக்கும் சரியாப் போச்சு" என்றான்.



இப்படியே அந்த நாள் கலகலப்பாக சென்றது. மூவரும் ஆஸ்திரேலியாவில் விக்டோரியா மார்க்கெட் போன்ற பல இடங்களை சுற்றி பார்த்தனர். பின் நட்சத்திராவும் சூர்யாவும் ஏர்போர்ட் சென்று விஜயை வழியனுப்பி வைத்தனர்.
 

Janu murugan

Moderator
Staff member
Jun 10, 2020
43
20
8
20
விழிகளிலே ஒரு கவிதை 23

நாட்கள் வேகமாக ஓட நட்சத்திராவிற்கும் சூர்யாவிற்கும் செமஸ்டர் தேர்வு வந்தது. முதலில் இரண்டாம் ஆண்டு மாணவர்களுக்கு தேர்வு நடைபெறும். பின்னரே முதலாமாண்டு மாணவர்களுக்கு தேர்வு நடைபெறும். சூர்யாவிற்கு செமெஸ்டர் தேர்வு முடிந்தது.
இன்னும் இரண்டு நாட்களில் முதலாமாண்டு மாணவர்களுக்கு தேர்வு தொடங்க உள்ளது. நட்சத்திரா படிப்பதற்கு மிகவும் சிரமப்பட்டாள். ஒன்றும் புரியாமல் புக்கை வைத்துக்கொண்டு முழித்துக் கொண்டிருந்தாள். சொல்லி குடு மாமா என்று வாய் திறந்து சூர்யாவிடம் கேட்கவில்லை.
சூர்யாவிற்கு அவளைப் பார்த்து வருத்தமாக இருந்தது. தனக்காக தானே கடல் கடந்து ஆஸ்திரேலிய வந்து கஷ்டப்படுறா என்று. நட்சத்திரா இங்க வா நான் சொல்லி தரேன் என்றான் சூர்யா.
நட்சத்திரா 'அவன் சொல்லி கொடுத்தா நான் அவனை பார்ப்பேனா? இல்லை சொல்லிதருவதை பார்ப்பேனா?' என நினைத்தாள்.
சூர்யா, "என்ன யோசிக்கிற..."
நட்சத்திரா, சொன்னா திட்டுவானே என நினைத்தவள், "ஒன்னும் இல்லை மாமா..." என்றாள்.
சூர்யா பொறுமையாக மிக சிரத்தையாக சொல்லிக் கொடுத்தான். நட்சத்திராவிற்கு தான் தன் கவனத்தை அவனிடமிருந்து திசைத்திருப்ப கடினமாக இருந்தது.
சூர்யா எல்லாத்தையும் சொல்லிக் கொடுத்துவிட்டு, "என்ன புரிஞ்சுதா?" என்றான். நட்சத்திரா ஙே வென முழித்தாள்.
சூர்யா, "என்னடி முழிக்கிற?"
நட்சத்திரா 'போச்சு லெஸன் கவனிக்காம அவனை பார்த்தேன் என்று கண்டுபிடிச்சா நான் செத்தேன்' என்று பயந்தவள் முகத்தை பாவமாக வைத்துக்கொண்டு "ஒண்ணுமே புரியல மாமா..." என்றாள்.
சூர்யா கோபப்படாமல் மீண்டும் பொறுமையாக விளக்க ஆரம்பித்தான். நட்சத்திரா என்னடா இது எல்லாம் தலைகீழா நடக்குது என விழி விரித்துப் பார்த்தாள். அவன் மீண்டும் சிரத்தையுடன் விளக்குவதால் லெசனை கவனிக்க ஆரம்பித்தாள். சூர்யா செமஸ்டர் தேர்வு முடியும் வரை நட்சத்திராவை எந்த வேலையும் செய்யவேண்டாம் என கூறிவிட்டான்.
காலையில் விரைவாக எழுந்து அவளை எழுப்பி படிக்க வைத்து காபி போட்டு தந்தான்.
நட்சத்திரா 'சும்மாவே இவன் மேல பைத்தியமா சுத்தீட்டு இருக்கேன். இதுல இவன் இப்படி எல்லாம் பண்ணிட்டு இருந்தா நான் முழு பைத்தியம் ஆகிடுவேனே' என மனதிற்குள் புலம்பினாள்.
சூர்யா சமையல் வேலையை கூட அவனே பார்த்துக் கொண்டான். நட்சத்திரா சூர்யா சமைத்ததை சாப்பிட்டுவிட்டு, "மாமா சூப்பரா சமைக்கிற. கல்யாணத்துக்கப்புறம் தினமும் நீயே சமைச்சுடு".
சூர்யா, "ஏய் குட்டச்சி முதல்ல படிக்கிற வேலையைப் பாரு. அப்புறம் கல்யாணத்தை பத்தி பேசுவோம் எப்ப பார்த்தாலும் இதே நினைப்புதான்" என்று சொல்லி அவள் தலையில் கொட்டினான்......
எப்படியோ ஒரு வழியா நட்சத்திரா செமஸ்டர் தேர்வு எழுதி முடித்து விட்டாள். தேர்வு முடிந்ததும் சூர்யா, "பாஸாகுற அளவுக்காவது எழுதியிருக்கியா...? கஷ்டப்பட்டு சொல்லிக் கொடுத்தேன்."
நட்சத்திரா என்ன சொல்வதென்று தெரியாமல் நாலாபக்கமும் தலையை ஆட்டினாள். சூர்யா, "என்னடி தலைய இப்படி ஆட்டுற?" என்றான்.
நட்சத்திரா, "அட போ மாமா, ரிசல்ட் வரும்போது அதை பாத்துக்கலாம்" என்றாள்.
எக்ஸாம் நடந்து கொண்டிருந்தால் இருவரும் வீட்டில் ஒழுங்காக வேலை செய்யவில்லை. நட்சத்திரா எல்லா பொருட்களையும் ஒழுங்காக அடுக்கி வைத்து வீட்டை சுத்தம் செய்து கொண்டிருந்தாள்.
சூர்யா, "ஏய் குட்டச்சி எதுவும் உதவி செய்யவா?" எனக் கேட்க நட்சத்திரா, "இல்ல மாமா, ஏற்கனவே நீ நிறைய வேலை செஞ்சிட்ட. நானே பாத்துக்கிறேன்" என்றாள்.
சூர்யா, "சரி ஏதாவது ஹெல்ப் வேணும்னா கேளு" என்று விட்டு ஹாலில் அமர்ந்து டிவி பார்த்துக் கொண்டிருந்தான். நட்சத்திரா மேல இருந்த பெட்டியை எடுக்க முயற்சி செய்து முடியாமல் போகவே சூர்யாவை அழைத்தாள். அவன் போன் பேசிக் கொண்டிருந்ததால் இரண்டு நிமிடத்தில் வர்றேன் என்றான்.
அவன் வருவதற்கு தாமதமாகவே அவளை ஸ்டூலைப் போட்டு எடுக்க முயற்சி செய்தாள்.
நட்சத்திரா பேலன்ஸ் இல்லாமல் கால் தவறிக் கீழே விழப் போக சரியாக அதே நேரம் உள்ளே வந்த சூர்யா அவளை தாங்கி பிடித்து விட்டான்.
கீழே விழப் போகிறோம் என்ற பயத்தில் கண்ணை மூடியவள் சூர்யா பிடித்தவுடன் தான் மூச்சே வந்து கண்ணை திறந்து பார்த்தாள்.
கண்ணைத் திறந்தவள் அப்படியே சிலை ஆகிவிட்டாள் சூர்யாவின் பார்வையில். சூர்யா அவளையே விழுங்கும் பார்வை பார்த்துக் கொண்டிருந்தான். சூர்யாவின் பார்வையில் இருந்த ஏதோ ஒன்று நட்சத்திரவை கட்டிப்போட்டது அவர்களின் பார்வை பரிமாற்றம் சிலகணங்கள் நீடித்தது.
சூர்யாவின் இதழ்கள் அவளை நோக்கி குனிய நட்சத்திரா கண்களை இறுக மூடிக்கொண்டாள். சூர்யாவின் இதழ்கள் அவள் கன்னத்தை உரசும் வேளையில் சரியாக
"ஆகாய சூரியனை ஒற்றை
ஜடையில் கட்டியவள்.....
என்ற பாடலுடன் நட்சத்திராவின் போன் ரிங்காகி அவர்களின் மோன நிலையை கலைத்தது. இருவரும் சுயநினைவு பெற்றனர்.
சூர்யாவிற்கு சே! என்னக் காரியம் பண்ண பார்த்த என்று தோன்ற நட்சத்திராவை வேகமாக இறக்கிவிட்டு அவள் முகத்தை பார்க்கவே சங்கடப்பட்டு வெளியே வந்துவிட்டான்.
நட்சத்திரா யாரது சிவ பூஜையில் கரடி மாதிரி என திட்டி கொண்டே போனை அட்டெண்ட் செய்து பேசினாள். சூர்யா தன்னையே கடிந்து கொண்டான். 'சூர்யா வரவர நீ உன் கட்டுப்பாட்டை இழந்து கிட்டே போற' என தனக்குத்தானே புலம்பிக்கொண்டு டிவியைப் பார்த்துக் கொண்டிருந்தான்.
நட்சத்திரா மாமா என அழைத்துக் கொண்டே ஓடி வந்தவள் நான் ரொம்ப சந்தோஷமா இருக்கேன் என்று அவனை அணைத்து கன்னத்தில் இதழ் பதித்தாள். அவள் செயலில் சூர்யா அதிர்ச்சி ஆகி விட்டான். சூர்யா, "ஏய் குட்டச்சி என்ன நடந்துச்சு? நீ ஏன் இப்படித் துள்ளிக் குதிக்கிற" என்றான்.
நட்சத்திரா, "மாமா நீ அப்பாவாக போற" என்றாள். சூர்யா நான் உன்னை கிஸ் கூட பண்ணலையே அதுக்குள்ளயுமா என அதிர்ச்சியாக அவளைப் பார்த்தான்
 

Janu murugan

Moderator
Staff member
Jun 10, 2020
43
20
8
20
விழிகளிலே ஒரு கவிதை 23

நாட்கள் வேகமாக ஓட நட்சத்திராவிற்கும் சூர்யாவிற்கும் செமஸ்டர் தேர்வு வந்தது. முதலில் இரண்டாம் ஆண்டு மாணவர்களுக்கு தேர்வு நடைபெறும். பின்னரே முதலாமாண்டு மாணவர்களுக்கு தேர்வு நடைபெறும். சூர்யாவிற்கு செமெஸ்டர் தேர்வு முடிந்தது.
இன்னும் இரண்டு நாட்களில் முதலாமாண்டு மாணவர்களுக்கு தேர்வு தொடங்க உள்ளது. நட்சத்திரா படிப்பதற்கு மிகவும் சிரமப்பட்டாள். ஒன்றும் புரியாமல் புக்கை வைத்துக்கொண்டு முழித்துக் கொண்டிருந்தாள். சொல்லி குடு மாமா என்று வாய் திறந்து சூர்யாவிடம் கேட்கவில்லை.
சூர்யாவிற்கு அவளைப் பார்த்து வருத்தமாக இருந்தது. தனக்காக தானே கடல் கடந்து ஆஸ்திரேலிய வந்து கஷ்டப்படுறா என்று. நட்சத்திரா இங்க வா நான் சொல்லி தரேன் என்றான் சூர்யா.
நட்சத்திரா 'அவன் சொல்லி கொடுத்தா நான் அவனை பார்ப்பேனா? இல்லை சொல்லிதருவதை பார்ப்பேனா?' என நினைத்தாள்.
சூர்யா, "என்ன யோசிக்கிற..."
நட்சத்திரா, சொன்னா திட்டுவானே என நினைத்தவள், "ஒன்னும் இல்லை மாமா..." என்றாள்.
சூர்யா பொறுமையாக மிக சிரத்தையாக சொல்லிக் கொடுத்தான். நட்சத்திராவிற்கு தான் தன் கவனத்தை அவனிடமிருந்து திசைத்திருப்ப கடினமாக இருந்தது.
சூர்யா எல்லாத்தையும் சொல்லிக் கொடுத்துவிட்டு, "என்ன புரிஞ்சுதா?" என்றான். நட்சத்திரா ஙே வென முழித்தாள்.
சூர்யா, "என்னடி முழிக்கிற?"
நட்சத்திரா 'போச்சு லெஸன் கவனிக்காம அவனை பார்த்தேன் என்று கண்டுபிடிச்சா நான் செத்தேன்' என்று பயந்தவள் முகத்தை பாவமாக வைத்துக்கொண்டு "ஒண்ணுமே புரியல மாமா..." என்றாள்.
சூர்யா கோபப்படாமல் மீண்டும் பொறுமையாக விளக்க ஆரம்பித்தான். நட்சத்திரா என்னடா இது எல்லாம் தலைகீழா நடக்குது என விழி விரித்துப் பார்த்தாள். அவன் மீண்டும் சிரத்தையுடன் விளக்குவதால் லெசனை கவனிக்க ஆரம்பித்தாள். சூர்யா செமஸ்டர் தேர்வு முடியும் வரை நட்சத்திராவை எந்த வேலையும் செய்யவேண்டாம் என கூறிவிட்டான்.
காலையில் விரைவாக எழுந்து அவளை எழுப்பி படிக்க வைத்து காபி போட்டு தந்தான்.
நட்சத்திரா 'சும்மாவே இவன் மேல பைத்தியமா சுத்தீட்டு இருக்கேன். இதுல இவன் இப்படி எல்லாம் பண்ணிட்டு இருந்தா நான் முழு பைத்தியம் ஆகிடுவேனே' என மனதிற்குள் புலம்பினாள்.
சூர்யா சமையல் வேலையை கூட அவனே பார்த்துக் கொண்டான். நட்சத்திரா சூர்யா சமைத்ததை சாப்பிட்டுவிட்டு, "மாமா சூப்பரா சமைக்கிற. கல்யாணத்துக்கப்புறம் தினமும் நீயே சமைச்சுடு".
சூர்யா, "ஏய் குட்டச்சி முதல்ல படிக்கிற வேலையைப் பாரு. அப்புறம் கல்யாணத்தை பத்தி பேசுவோம் எப்ப பார்த்தாலும் இதே நினைப்புதான்" என்று சொல்லி அவள் தலையில் கொட்டினான்......
எப்படியோ ஒரு வழியா நட்சத்திரா செமஸ்டர் தேர்வு எழுதி முடித்து விட்டாள். தேர்வு முடிந்ததும் சூர்யா, "பாஸாகுற அளவுக்காவது எழுதியிருக்கியா...? கஷ்டப்பட்டு சொல்லிக் கொடுத்தேன்."
நட்சத்திரா என்ன சொல்வதென்று தெரியாமல் நாலாபக்கமும் தலையை ஆட்டினாள். சூர்யா, "என்னடி தலைய இப்படி ஆட்டுற?" என்றான்.
நட்சத்திரா, "அட போ மாமா, ரிசல்ட் வரும்போது அதை பாத்துக்கலாம்" என்றாள்.
எக்ஸாம் நடந்து கொண்டிருந்தால் இருவரும் வீட்டில் ஒழுங்காக வேலை செய்யவில்லை. நட்சத்திரா எல்லா பொருட்களையும் ஒழுங்காக அடுக்கி வைத்து வீட்டை சுத்தம் செய்து கொண்டிருந்தாள்.
சூர்யா, "ஏய் குட்டச்சி எதுவும் உதவி செய்யவா?" எனக் கேட்க நட்சத்திரா, "இல்ல மாமா, ஏற்கனவே நீ நிறைய வேலை செஞ்சிட்ட. நானே பாத்துக்கிறேன்" என்றாள்.
சூர்யா, "சரி ஏதாவது ஹெல்ப் வேணும்னா கேளு" என்று விட்டு ஹாலில் அமர்ந்து டிவி பார்த்துக் கொண்டிருந்தான். நட்சத்திரா மேல இருந்த பெட்டியை எடுக்க முயற்சி செய்து முடியாமல் போகவே சூர்யாவை அழைத்தாள். அவன் போன் பேசிக் கொண்டிருந்ததால் இரண்டு நிமிடத்தில் வர்றேன் என்றான்.
அவன் வருவதற்கு தாமதமாகவே அவளை ஸ்டூலைப் போட்டு எடுக்க முயற்சி செய்தாள்.
நட்சத்திரா பேலன்ஸ் இல்லாமல் கால் தவறிக் கீழே விழப் போக சரியாக அதே நேரம் உள்ளே வந்த சூர்யா அவளை தாங்கி பிடித்து விட்டான்.
கீழே விழப் போகிறோம் என்ற பயத்தில் கண்ணை மூடியவள் சூர்யா பிடித்தவுடன் தான் மூச்சே வந்து கண்ணை திறந்து பார்த்தாள்.
கண்ணைத் திறந்தவள் அப்படியே சிலை ஆகிவிட்டாள் சூர்யாவின் பார்வையில். சூர்யா அவளையே விழுங்கும் பார்வை பார்த்துக் கொண்டிருந்தான். சூர்யாவின் பார்வையில் இருந்த ஏதோ ஒன்று நட்சத்திரவை கட்டிப்போட்டது அவர்களின் பார்வை பரிமாற்றம் சிலகணங்கள் நீடித்தது.
சூர்யாவின் இதழ்கள் அவளை நோக்கி குனிய நட்சத்திரா கண்களை இறுக மூடிக்கொண்டாள். சூர்யாவின் இதழ்கள் அவள் கன்னத்தை உரசும் வேளையில் சரியாக
"ஆகாய சூரியனை ஒற்றை
ஜடையில் கட்டியவள்.....
என்ற பாடலுடன் நட்சத்திராவின் போன் ரிங்காகி அவர்களின் மோன நிலையை கலைத்தது. இருவரும் சுயநினைவு பெற்றனர்.
சூர்யாவிற்கு சே! என்னக் காரியம் பண்ண பார்த்த என்று தோன்ற நட்சத்திராவை வேகமாக இறக்கிவிட்டு அவள் முகத்தை பார்க்கவே சங்கடப்பட்டு வெளியே வந்துவிட்டான்.
நட்சத்திரா யாரது சிவ பூஜையில் கரடி மாதிரி என திட்டி கொண்டே போனை அட்டெண்ட் செய்து பேசினாள். சூர்யா தன்னையே கடிந்து கொண்டான். 'சூர்யா வரவர நீ உன் கட்டுப்பாட்டை இழந்து கிட்டே போற' என தனக்குத்தானே புலம்பிக்கொண்டு டிவியைப் பார்த்துக் கொண்டிருந்தான்.
நட்சத்திரா மாமா என அழைத்துக் கொண்டே ஓடி வந்தவள் நான் ரொம்ப சந்தோஷமா இருக்கேன் என்று அவனை அணைத்து கன்னத்தில் இதழ் பதித்தாள். அவள் செயலில் சூர்யா அதிர்ச்சி ஆகி விட்டான். சூர்யா, "ஏய் குட்டச்சி என்ன நடந்துச்சு? நீ ஏன் இப்படித் துள்ளிக் குதிக்கிற" என்றான்.
நட்சத்திரா, "மாமா நீ அப்பாவாக போற" என்றாள். சூர்யா நான் உன்னை கிஸ் கூட பண்ணலையே அதுக்குள்ளயுமா என அதிர்ச்சியாக அவளைப் பார்த்தான்.

கவிதைகள் தொடரும்...
 

Janu murugan

Moderator
Staff member
Jun 10, 2020
43
20
8
20
விழிகளிலே ஒரு கவிதை 24

சூர்யா அதிர்ச்சியாகி, "என்னடி சொல்ற.." என்றான். நட்சத்திரா, "சாரி மாமா டங்க் ஸ்லிப் ஆகிடுச்சு. நீ சித்தப்பாவாக போற நான் சித்தியாக போறேன்" என்றாள். சூர்யா "வாவ்! நம்ம வீட்டுக்கு நியூ குட்டி பாப்பா வர போறாங்க" என்று துள்ளி குதித்தான். இருவரும் சந்தோஷத்தில் தாராவுக்கு வீடியோ கால் செய்தனர்.

நட்சத்திரா, "நான் ரொம்ப சந்தோசமா இருக்கேன்" என்றாள். சூர்யா, "அண்ணி நான் சித்தப்பாவாக போறேன். எனக்கு ரொம்ப ரொம்ப சந்தோஷமா இருக்கு. நம்ம வீட்டுக்கு அழகா குட்டியா ஒரு குழந்தை வரப் போகுது" என்றான்.

தாரா 'மனதிற்குள் ரெண்டு பேரும் இவ்ளோ ரொம்ப எக்சைட்மென்ட் ஆகுறாங்க. ஏன் இவ்வளவு ஆர்வம்? எனக்கு கூட இவ்ளோ எக்சைட்மென்ட் வரலை. இவங்களுக்கு குழந்தை பிறந்தால் என்ன பண்ண போறாங்களோ? என நினைத்தவள் அதைக் கூறாமல் இருவரையும் பார்த்து புன்னகைத்தாள்.

நட்சத்திரா, "தாரா என்னடி எதையோ நினைத்து சிரிக்கிற.." எனக் கேட்க தாரா நினைத்ததை கூறினாள். இதை கேட்ட இருவரும் ஒருத்தரை ஒருத்தர் பார்த்துக்கொண்டனர்.

தாரா, "ஹலோ என்ன ரெண்டு பேரும் என்ன வச்சுக்கிட்டு ரொமான்ஸ் ஆரம்பிச்சுட்டீங்க" என்றாள்.

நட்சத்திரா எதோ பதில் கூற வர அதற்குள் கிஷோர் வந்துவிட்டான். இருவரும் கிஷோரிடம் வாழ்த்துக்கள் தெரிவித்தனர். கிஷோர் புன்னகையுடன் ஏற்றுக் கொண்டான்.

அவர்களுடன் ஷீலாவும் சங்கரும் சேரந்து கொண்டனர். நட்சத்திராவும் சூர்யாவும் குடும்பத்தினருடன் மகிழ்ச்சியாக பேசிக்கொண்டிருந்தனர்.

பேசிக்கொண்டிருக்கும் போதே திடீரென்று ஷீலா, "ஆமா சூர்யா இந்த நேரத்தில நட்சத்திரா என்ன பண்றா உன் கூட..." என்றார்.

இதைக் கேட்ட சூர்யாவிற்கும் நட்சத்திராவிற்கும் இருக்கும் பகீரென்றது. சந்தோஷத்தில் மண்டை மேல இருக்கு கொண்டையை மறந்து விட்டோமே! என்ற ரீதியில் இருவரும் ஒருத்தரை ஒருத்தர் பார்த்தனர்.

மற்றவர்களுக்கும் இந்த சந்தேகம் தோன்ற அவர்களும் கேட்டனர். நட்சத்திராவும் சூர்யாவும் வசமாய் மாட்டிகிட்டோம் என திருதிருவென முழித்தனர்.

தாராவிற்கும் என்ன சொல்லிச் சமாளிப்பது என்று தெரியவில்லை. சூர்யா, 'எப்பவுமே சும்மா சும்மா அள்ளி விட்டு சமாளிப்பியே இப்பவும் அதே மாதிரி சாமாளி டி' என்ற ரீதியில் அவளைப் பார்த்தான்.

நட்சத்திரா, 'சே இப்போது பார்த்து ஒன்னுமே வரமாட்டேங்குது என யோசித்தவள், "அத்தை செமஸ்டர் எக்ஸாம் முடிஞ்சிருச்சு. அதனால் ஹாஸ்டல்ல லீவு விட்டாங்க. எல்லாரும் கிளம்பிட்டாங்க. நான் மட்டும் தனியா இருந்தேன். எனக்கு தனியா இருக்க பயமா இருந்துச்சு. அதான் மாமா லீவு முடியிற வரைக்கும் இங்கே தங்கு என்று கூட்டிட்டு வந்துட்டாரு" என்றாள்.

பெரியவர்கள் ஒருவழியாக சமாதானமாகினார்கள். சூர்யாவும் நட்சத்திராவும் அப்பாடா! சமாளித்தோம் என பெருமூச்சு விட்டனர்.

ஷீலா, "சூர்யா நட்சத்திராவை பத்திரமா பார்த்துக்கோ" என்றார். சூர்யா அவர்கள் கூறிய அனைத்திற்கும் தலை தலை ஆட்டினான். பின் சிறிது நேரம் இருவரும் பேசி விட்டு காலை கட் செய்தனர்.

சூர்யா, "ஏய் குட்டச்சி! இன்னைக்கு தான் உருப்படியா ஒரு பொய் சொல்லி என்னை காப்பாத்தி இருக்க" என்றான்.

நட்சத்திரா, "எப்ப பாத்தாலும் நான் பொய் சொல்றே பொய் சொல்றேன்னு திட்டிக் கொண்டே இருப்ப இல்ல. இப்ப என் பொய் தான் உன்னை பிரச்சனையிலிருந்து காப்பாற்றி இருக்கு" என்றாள்.

சூர்யா அவள் தலையில் கொட்டி, "ஏன்டி நீ ஏற்கனவே சொன்ன பொய்னாலதான் இந்த பிரச்சனை வந்தது" என்றான். இதைக் கேட்டு நட்சத்திரா அசடு வழிந்தாள்.

சூர்யா, "எல்லாத்தையும் செஞ்சிட்டு சிரிச்சு சிரிச்சே சமாளி" என்று திட்டினான். பேசிக்கொண்டே இருவரும் சுத்தம் செய்யும் வேலையை செய்தனர். பின்னர் சாப்பிட்டு விட்டு வேலை செய்த அசதியில் விரைவாகவே உறங்கி போயினர்.

மறுநாள் காலையில் சூர்யா அமர்ந்து டீவி பார்த்துக் கொண்டிருந்தான். நட்சத்திரா குளித்து கிளம்பி வர சூர்யா "காலையில் எங்கடி கிளம்பிட்ட?" என்று கேட்க அவள், "மாமா பக்கத்துல இருக்க மார்க்கெட் வரைக்கும் போயிட்டு வரேன். வீட்டில் எல்லா காய்கறியும் தீர்ந்துடுச்சு" என்றாள்.

சூர்யா, "நானும் வரவா... தனியா போயிட்டு வந்துடுவியா?" என்றான்.

நட்சத்திரா, "இல்ல மாமா நான் போயிட்டு வரேன். நீ குளிச்சுட்டு ரெடியாகு. சாப்பிட்டுவிட்டு நாம வெளியே போலாம்" என்று கூறிவிட்டு சென்றாள்.

நட்சத்திரா சென்றதும் சூர்யா குளித்து முடித்து ரெடியாகி காபியை சூடுபடுத்தி குடித்துக் கொண்டிருந்தான். காலிங் பெல் சத்தம் கேட்க சூர்யா அதுக்குள்ளே போய்ட்டு வந்துட்டாளா? என நினைத்து கதவைத் திறந்தவன் அதிர்ச்சி ஆகி விட்டான். வெளியே ஷ்ரவன் நின்று இருந்தான்.

அவன், "என்னடா மச்சான் ஷாக்காகிட்டியா? உனக்கு சர்ப்ரைஸா இருக்கட்டும்னு தான் சொல்லாம வந்தேன்" என்றான்.

சூர்யா இதைக் கேட்டு ஷாக்காகி நிற்க அவன், "என்னடா மச்சான் என்ன உள்ள கூப்பிட மாட்டியா?" என்றான்.

சூர்யா 'வேணாம்னு சொன்னா மட்டும் வராமல் போக போறயா?' என மனதில் நினைத்தவன் அவனிடம் இளித்து, "உள்ளே வா மச்சான்" என்றான். சூர்யா மைண்ட் வாய்ஸில் 'இன்னைக்கு யார் முகத்தில முழிச்சேனோ தெரியலையே? இப்படி காலையிலேயே இவன்கிட்ட மாட்டிக்கிட்டேன் நட்சத்திராவை மட்டும் இவன் பார்த்தான் நான் செய்தேன் என்று' நினைத்தான்.

அவன் வீட்டை சுத்தி பார்த்து, "பரவாயில்லடா வீடு நல்ல சுத்தமா இருக்கு. பொண்ணுங்க இருந்தால்தான் இப்படி சுத்தமாக வச்சுப்பாங்க" என்றான்.

சூர்யா 'இவன் இப்போதைக்கு கிளம்பும் மாட்டான் போல' என நினைத்தவன், "மச்சான் என் வீட்டு அட்ரஸ் உன் கிட்ட சொன்னது யாரு டா?" என்றான்.

ஷ்ரவன், "நம்ம ஹரிஷ் தான்டா கொடுத்தான்" என்றான். சூர்யா அந்த நல்ல வேலையை பார்த்தது அவன்தானா? அவனுக்கு பெரிசா இருக்கு என நினைத்துக் கொண்டான்.

ஷ்ரவன், "என்னடா மச்சான் வீட்டுக்கு வந்தவங்களுக்கு சாப்பிட எதுவும் கொடுக்க மாட்டியா?" என்றான்.

சூர்யா, "சாரி மறந்துட்டேன், என்ன குடிக்கிறடா டி ஆர் காபி" என்றான்.

ஷ்ரவன், "காபி ஒகே டா..."

சூர்யா கிச்சனுக்கு சென்று காபி போட்டுக் கொண்டிருந்தான். ஷ்ரவன் பால்கனியில் நின்று வேடிக்கை பார்த்துக் கொண்டிருந்தான்.

மார்க்கெட்டில் இருந்து வந்த நட்சத்திரா வேகமாக வீட்டிற்குள் நுழைந்து கொண்டு வந்த பொத்தென சோபாவில் அமர்ந்து காய்கறிகளை கீழே வைத்தாள். காபி கப்புடன் வெளியே வந்த சூர்யா நட்சத்திராவைப் பார்த்து
அதிர்ச்சியாகிவிட்டான்.

நட்சத்திரா அதையெல்லாம் கவனிக்காமல், "மாமா எனக்குதான் காபி போட்டு வச்சிருக்கியா... சோ ஸ்வீட் ஆஃப் யூ மாமா" என் கன்னத்தை பிடித்து கொஞ்சி காப்பியை எடுத்து ஒரு மிடறு பருகியவள் , "மாமா காபி சூப்பரா இருக்கு. அப்புறம் அந்த காய்கறி எல்லாம் பிரிட்ஜில அடுக்கி வை. நான் ஒரு பத்து நிமிஷம் கழிச்சு சமைக்கிறேன்" என்று கூறியவள் பால்கனியில் நின்றிருந்த ஷ்ரவனைப் பார்த்து அதிர்ச்சியாகி விட்டாள். ஷ்ரவனும் நட்சத்திராவைப் பார்த்துவிட்டான்.

கிஷோரின் வீட்டிற்கு தாராவின் பெற்றோர் வந்திருந்தனர். மல்லிகாவிற்கும் சந்திரசேகருக்கும் தாரா கர்ப்பமான செய்தியை கேட்டு சந்தோஷம் தாளவில்லை. பலகாரங்கள் எல்லாம் செய்தும் மறுநாளே தாராவை பார்க்க வந்துவிட்டனர்.....

அவர்களை பார்த்ததும் தாரா காலில் விழுந்து வணங்கினாள். மல்லிகா, "தாரா இந்த மாதிரி நேரத்துல காலில் எல்லாம் விழுந்து எந்திரிக்க கூடாது" என்றவர் தன் வாங்கி வந்த ஸ்வீட் பழங்கள் அனைத்தையும் தாராவிடம் கொடுத்தார்.

அதைப் பார்த்த ஷீலா, "என்ன சம்பந்தி இதெல்லாம்? தாரா எங்க வீட்டு பொண்ணு. அவளை நாங்க பார்த்துக்க மாட்டோமா..?" என்றார். இதைக்கேட்ட சந்திரசேகருக்கும் மல்லிகாவிற்கும் ஆனந்தமாக இருந்தது.

தாராவிற்கு பெற்றோருடன் பொழுது இனிமையாக கழிந்தது. தங்களுடைய முதல் வாரிசு வீட்டிற்கு வரப் போவதால் குடும்பமே சந்தோஷ கடலில் மிதந்தனர்.

ஷ்ரவனைப் பார்த்த அதிர்ச்சியில் நட்சத்திரத்திற்கு பேச்சு வரவில்லை . ஷ்ரவனுக்கும் நட்சத்திராவை அங்கு பார்த்ததில் அதிர்ச்சி.
 
Need a gift idea? How about some novelty socks?
Buy it!